ორიგამი ჰოლდინგი
ჩვენი მისია უცვლელი რჩება: შევქმნათ მაღალი ხარისხის გარემო, რომელიც თავად ადგენს ახალ სტანდარტებს — სადაც ყოველდღიური ცხოვრება იქცევა ნამდვილ ხელოვნებად.
„Origami"-ს ისტორია 2008 წელს დაიწყო ბათუმში, სახელწოდებით BWC. 18 წლიანი უწყვეტი ზრდისა და განვითარების შედეგად ჩვენ რეგიონის ერთ-ერთ უმსხვილეს და ყველაზე დივერსიფიცირებულ ჰოლდინგად ვიქეცით. კომპანია აერთიანებს სამ ძირითად მიმართულებას — დეველოპმენტს, არქიტექტურასა და სტუმართმოყვარეობას — და ამასთანავე, ჩვენი მთავარი სტრატეგიული პრიორიტეტი კვლავ უძრავი ქონების განვითარებაა.
ჩვენ გვჯერა, რომ კომპანიაზე საუკეთესოდ ფაქტები მეტყველებს — ჩვენ შესრულებული გვაქვს ყველა მიცემული დაპირება. შევქმენით ბათუმის ერთ-ერთი უმსხვილესი პროექტი — White Sails, ამჟამად ვავითარებთ პრემიუმ კლასის საცხოვრებელ კომპლექს Well Home-ს და ვიწყებთ კომპანიის ისტორიაში ყველაზე თამამ ხედვას — Origami Island-ს.
დღეს ჩვენს გუნდში 600-მდე პროფესიონალი მუშაობს. წარმატებით ვფუნქციონირებთ სტუმართმოყვარეობის სფეროში, სადაც უკვე ერთ მილიონზე მეტი სტუმარი მიგვიღია. ყველაფრის საფუძველია არქიტექტურა — სფერო, საიდანაც 18 წლის წინ დავიწყეთ ჩვენი გზა და სადაც დღემდე საქართველოს მასშტაბით 3 000 000 კვადრატულ მეტრზე მეტი გვაქვს დაპროექტებული.
ინფრასტრუქტურა, სპორტული კომპლექსები, სასტუმროები და საცხოვრებელი შენობები — სწორედ ეს მრავალფეროვანი პორტფოლიო ადგენს ხარისხის სტანდარტებს ბაზარზე.