Intourist Residence

შპს „ბათმშენის" მიერ მშენებარე მრავალფუნქციური კომპლექსი „ინტურისტ რეზიდენსი" მდებარეობს ბათუმში, სანაპირო ზოლზე, ზღვიდან სულ რაღაც 3 წუთის სავალ მანძილზე — დაახლოებით 200 მეტრში. კომპლექსს განსაკუთრებით მიმზიდველს მისი მდებარეობა ხდის. რაიონი, სადაც კომპლექსი შენდება, საინვესტიციო თვალსაზრისით ყველაზე პერსპექტიული და მიმზიდველი სატურისტო-სარეკრეაციო ზონაა. კომპლექსის უშუალო სიახლოვეს განლაგებულია „მაკდონალდსი", „დანკინ დონატსი" („დომ ვენდისი", „კარფური"), „გუდვილი" („ბათუმი მოლი"), იუსტიციის სახლი, არდაგანის ტბა, „სანსეთი" და სხვა ობიექტები. ასევე კომპლექსის სიახლოვეს მდებარეობს ბათუმის ახალი და ძველი ბულვარი. კომპლექსიდან 1–2 საათის სავალ მანძილზე მდებარეობს სამთო-სათხილამურო კურორტები — „გომარდული" და „გოდერძი". არსებული ობიექტების გარდა, მიმდებარე ტერიტორიაზე აქტიურად მიმდინარეობს ათეულობით სხვადასხვა მრავალფუნქციური კომპლექსისა და ცათამბჯენის მშენებლობა: საცხოვრებელი სახლები, სასტუმროები, კაზინოები, რესტორნები, კაფე-ბარები, ღამის კლუბები, საბავშვო და სხვა გასართობი კლუბები, სავაჭრო ცენტრები, საქალაქო ფეხბურთის დიდი სტადიონი და მრავალი სხვა ინფრასტრუქტურული პროექტი. თანამედროვე, ევროპულ სტანდარტებზე გათვლილი კომპლექსი „ინტურისტ რეზიდენსი" შედგება ორი 37-სართულიანი ბლოკისგან — A და B. A ბლოკის 1-დან 15-ე სართულამდე განთავსდება საერთაშორისო ბრენდის 5-ვარსკვლავიანი სასტუმრო 180 ნომრით. A ბლოკის 16-დან 37-ე სართულამდე და B ბლოკის 4-დან 37-ე სართულამდე განლაგდება 1-, 2-, 3- და 4-ოთახიანი კომფორტული საცხოვრებელი აპარტამენტები. საცხოვრებელი აპარტამენტებიდან იხსნება ზღვის, მთებისა და ქალაქის განსაცვიფრებელი ხედები. საცხოვრებელი აპარტამენტების თითოეული ოთახი აღჭურვილია ღია ტიპის აივნით.